Момче од скопското село Арачиново во неделата било застрелано во пределот на левата потколеница и му била скршена коската.
Непознато лице пукало кон давесет и едногодишното момче вечерта околу 21 часот на улицата „Втора Македонска бригада“ во скопската населба Чаир.
Момчето било пренесено во Градската општа болница „Св.Наум Охридски“ каде му била укажана лекарска помош.
Увид на местото на настанот извршила увидна екипа на СВР Скопје, при што на местото биле пронајдени траги од крв и 14 чаури.
Се преземаат мерки за пронаоѓање на напаѓачот и за целосно расчистување на случајот.