Mozilla го освежи идентитетот на својот бренд, а една од најзначајните работи од редизајнот е воведувањето на ново лого. Со новото лого, компанијата претстави и нов фонт и нова палета на бои. Ова е прв пат по 1998 година да го освежат својот визуелен идентитет.
Пред пет месеци, Mozilla објави натпревар за избор за нов визуелен идентитет, вклучувајќи и ново лого, а откако го претстави победникот со кратко видео, сега го откри и новиот изглед на својот бренд.
Логото е направено од буквите од новиот фонт Zilla, кој е дело на Typotheque и овозможува слобода на модификување.
Најпознат производ на Mozilla е прелистувачот Firefox, а покрај тоа тука се и и-мејл клиентот Thunderbird, оперативниот систем за мобилни Firefox OS, системот за следење багови Bugzilla и други.