Најнова студија покажа дека муслиманите се најзадоволни од својот живот, споредено со припадници на другите религии. Тие се изјасниле дека чувството на задоволност најмногу се должи на единството и поврзаноста што ја чувствуваат со другите припадници на нивната религија.
Истражувањето што го спроведе група германски психолози покажува дека чувството на единство најмногу придонесува за зголемување на задоволноста. Во истражувањето учествувале 67.562 испитаници, припадници на различни религиозни групи, а резултатите покажаа дека муслиманите се најзадоволи од својот живот.
Истражувања од разни области – вклучувајќи религија, философија и психологија – укажуваат дека различните видови на поврзаност доведуваат до сеопфатно чувство на благосостојба.
Истражувачите од Универзитетот во Манхајм сакале да анализираат како единството влијае на општата задоволност од животот во различни религии.
Според истражувањето чии резултати беа објавени во журналот на Американското здружение на психолози, муслиманите сметаат дека се поврзани со нешто поголемо од самите нив. По муслиманите, на второ место се нашле христијаните, а по нив следат будистите и припадниците на хиндуизмот.
Атеистите се чувствувале најмалку поврзани со другите или со некоја „виша сила“, а математичкиот модел што го осмислија истражувачите потврди дека има силна поврзаност меѓу чувството на единство и задоволноста од животот.
Цел на будизмот е нирвана, во хиндуизмот вистината, а најважниот принцип во исламот е „тавхид“ – верувањето во единствен концепт на монотеизам.
