Најновата жртва на растечката популарност на интернетот е познатиот музички магазин Vibe кој третира хип хоп и R'n'B тематики. Во спас доаѓа стариот газда Квинси Џонс.
На вчера најавеното гасење на магазинот Vibe се огласи легендарниот продуцент кој одлучи да стане сопственик на загрозениот магазин, неофицијалниот „глас“ на т.н. урбана музика од 1993 година. Џонс е еден од основачите на Vibe, но пред три години го продаде на компанијата Wicks Media Group, за сега да биде „приморан“ да си ги откупува правата назад.
„Се обидувам да го купам назад. Го уништија мојот магазин, но јас ќе го оживеам. Верувајте во тоа, ќе го претворам во интернет публикација, бидејќи печатените медиуми се мртви“, изјави Џонс, кој како продуцент на „Thriller“ на Мајкл Џексон деновиве повторно е актуелен по медиумите.
„Мораме да влеземе во 21. век. Мора да сфатиме дека печатените медиуми се мртви. Мртви се како и музичката индустрија“, реално изјави Квинси.
