Педесетгодишниот крал на поп музиката почина од срцев удар во својот дом во Холмби Хилс. Веста ја потврди и неговиот татко, Џо Џексон.
Кога пристигнале во домот на Џексон, докторите од итната медицинска служба утврдиле дека Мајкл нема пулс. Тие започнале со реанимација, но не успеале да го вратат пулсот назад.
Според изворите, Мајкл веќе бил мртов кога итната помош пристигнала во неговата куќа. Првичната информација која стигна до медиумите од докторите е дека Мајкл Џексон починал од срцев удар.
Извори од болницата велат дека кога пристигнал Мајк Џексон настанал вистински хаос. Луѓето кои го придружувале Мајкл непрекинато извикувале "Мора да го спасите! Мора да го спасите!". Кралот на поп музиката беше прогласен за мртов три часа по примањето на неговото тело во болница.
Вестта за смртта на Мајкл Џексон ги шокираше неговите фанови низ целиот свет. Утрово, стотици луѓе почнаа да се собираат пред неговиот дом, оддавајќи почит за делото на најголемата икона во светот на поп музиката.
