Неизбежно е, на одредена возраст и мажите и жените почнуваат да се претвораат во нивните родители. Интересно е што и кај двата пола сè започнува со мајчинството кај жените и татковството кај мажите.
Кај жените, физичките знаци на стареење се еден од најчестите показатели на тие промени. Повеќе од половина испитанички потврдиле дека со навршени 30 години престанале да се однесуваат бунтовнички кон своите мајки и почнале да се однесуваат како нив. Но, првата промена се случува на возраст од 33 години. Барем така покажува неодамнешното истражување.
Како класични показатели дека се однесуваат како нивните мајки испитаничките навеле дека гледаат исти ТВ емисии како нив, почнале да се занимаваат со нивни хоби активности и да користат исти изрази.
Сличен образец е забележан и кај мажите. Покрај татковството, доказ дека се претвораат во нивните татковци се и знаците на средни години како дебелеење, опаѓање на косата, гасење светлост во простории во кои нема никој и слично.
„Во некој момент од нашите животи сите се претвораме во своите родители, тоа е нешто на што треба да се радуваме бидејќи тие се најпрекрасните луѓе во светот“, вели пластичниот хирург Џулијан Де Силва, по чија заложба е направено истражувањето во кое учествувале 2.000 испитаници.
„Почнуваме да се чувствуваме како нашите родители тогаш кога почнуваме да наликуваме на нив, а овој неизбежен дел од стареењето е процес кој многу луѓе сакаат да го одложат што е можно повеќе“, вели тој за Daily Mail.