Едно момче на 27 години другарите го донеле починат во болница, а станодавци ја нашле потстанарката почината, во два одделни случаи во државата.
Според полицискиот билтен во 15.15 часот во полициска станица Тетово, Д.К. (48) од Тетово пријавила дека, заедно со нејзиниот сопруг Д.К., во нејзиниот стан на ул. „180“ во Тетово ја пронашле почината нивната потстанарка Б.Т. (64) од село Брвеница, со привремено живеалиште на наведената адреса. Имено, околу 15 часот Д.К. заедно со нејзиниот сопруг дошле со намера да се видат со Б.Т., но откако не ја отворила вратата, истите со употреба на сила ја отвориле и ја пронашле почината. Смрт е констатирана од страна на лекар од Итна медицинска помош. Увид на местото на настанот извршиле Јавен обвинител и екипа од СВР Тетово. Лекар од судска медицина извршил преглед врз телото и не констатирал траги на насилство. По наредба на Јавен обвинител телото е однесено во Клиничка болница Тетово за обдукција. Се преземаат мерки за целосно расчистување на случајот.
Истиот ден, во 19.50 часот во полициска станица во Прилеп, лекар од Итна медицинска помош Прилеп пријавил дека кај нив со возило, од страна на неговите другари, бил донесен Д.К. (27) од село Ерековци, прилепско, кој не давал знаци на живот. Истиот веднаш бил пренесен во Градската општа болница Прилеп, каде е констатирана смрт без траги на насилство. Од извршениот разговор со М.Т. (24) од село Ерековци, другар на починатиот, било утврдено дека околу 19 часот заедно излегле од куќата на М.Т. да прошетаат, по што на Д.К. му се слошило и паднал на улица. Поради утврдување на причините за смртта, Јавен обвинител издал наредба да се изврши обдукција.