26-годишен маж се товари за убиството на Грејс Милејн, неколку часа откако нејзиното тело беше најдено во Нов Зеланд.
Полицијата претходно огради голем дел од областа Сеник Драјв како дел од истрагата за исчезнувањето на 22-годишната Грејс која последен пат била видена на 1 декември.
Телото беше најдено на околу 10 метри од главниот пат, скриено во грмушките, а се смета дека било однесено до таму со изнајмен автомобил што беше најден на оддалеченост од околу 300 километри.
26-годишниот маж од Нов Зеланд кој се товари за нејзиното убиство, наводно го запознала на апликацијата Tinder.
Тој има право да остане анонимен до првото појавување пред суд, што е закажано за утре наутро во Обласниот суд во Оукленд.
Младата Британка, ќерка на градежниот милијардер Стив Милејн, патувала сама низ Нов Зеленд и последен пат била видена во хотелот CityLife во Оукленд, заедно со осомничениот.
Главниот инспектор Скот Бирд рече дека длабоко сочувствува со семејството, но дека му е мило што барем ќе може да им го предаде телото на нејзините роднини.
„Формалниот процес на идентификација е во тек, но врз основа на доказите собрани досега, најверојатно се работи за телото на Грејс Милејн“, рече тој.
