Читателите на Conde Nast Traveler ги одбраа најдобрите градови во 2019 година. Околу 600.000 луѓе гласаа на онлајн анкетата, а наградата „Изборот на читателите“ се доделува веќе 32 години.
Градовите се поделени во категории, мали и големи градови.
Токио, Јапонија
Токио е прогласен за најдобар град во 2019 година. Важи и за една од најдобрите дестинации кога станува збор за храната, еден од поважните фактори за туристите да се одлучат да го посетат.
Кјото, Јапонија
Овде може да се види храм од 10 век, една од главните туристички атракции. Градот се прероди по земјотресот во 2011 година, по што стана интересен за туристите.
Сингапур
На третото место се најде Сингапур. Туристите ги сакаат новитетите на овој град, особено современата уметност која е во подем. Велат дека целиот град се менува со огромна брзина, па ако поминале неколку години меѓу две посети, градот станува непрепознатлив.
Виена
Виена се најде на четвртото место на листата најдобри градови во светот, со што стана најдобар град во Европа за 2019 година. освен прекрасната архитектура градот има добра храна, големи паркови, дворци и други знаменитости.
По Виена се најдоа следните градови: Осака, Копенхаген, Амстердам, Барселона, Тајпеј и Сиднеј.
На листата помали градови на врвот се најде градот Мерида во Мексико, препознатлив по шарените фасади. За Мерида и околината се поврзува древната цивилизација на Маите.
По Мерида следуваат Дрезден, Квебек, Салцбург, Пуерто Валарта, Берген, Фиренца, Пуебла, Монте Карло и Келн.