Најголемиот небрусен дијамант на светот со големина речиси колку тениско топче, вчера не беше продаден на аукцијата. Дијамантот Lesedi La Rona има 1.109 карати, а е пронајден во 2015 година во Боцвана.
Причината поради која дијамантот остана не продаден е што на аукцијата во Лондон, никој не успеа да ја достигне почетната цена од 70 милиони долари.
Највисоката понудена цена на аукцијата во Лондон изнесуваше 61 милион долари, а аукциската куќа Сотби не успеа да ги убеди купувачите да понудат повеќе.
Претставникот на компанијата за трговија со дијаманти 77 Diamonds, Тобијас Кормајнд изјави дека е можно потребата за големи дијаманти да е презаситена, како и дека нестабилноста на пазарот по Брегзит може да имала влијание на неуспехот на аукцијата.
