Антананариво, 27 јуни 2019 (МИА) – Најмалку 15 лица загинаа, а 75 се повредени во стампедо на стадион по воената парада во главниот град на Мадагаскар, што се одржа вчера по повод независноста.
Министерот за одбрана, генерал Ричард Ракотонирина изјави дека засега не е познато како дошло до стампедото.
Очевидци за Reuters велат дека луѓето се втурнале да влезат на стадионот, а била отворена само една помала врата.
Меѓу повредените има и неколку кои се во критична состојба. Ова не е првпат нешто вакво да се случи на овој стадион. Пред девет месеци при влегување во стадионот се направи стампедо во кое загина еден човек, додека 37 лица беа потешко повредени.