Силен земјотрес со магнитуда од 6,4 степени рано утрово го погоди градот Тајинан на југот од Тајван, и предизвика уривање на повеќе објекти во кои загинале најмалку 5 лица, а околу 800 луѓе најверојатно се заробени под урнатините.
Според објавата на Американскиот геолошки институт USGS, жариштата на земјотресот од 10 километри, со епицентар на 39 километри североисточно од вториот по големина тајвански град Каохсиунг. Тајванската национална метеоролошка агенција соопшти дека се забележани уште три последователни потреси – афтершокови со магнитуда од 3,8 степени и повеќе.
„Како последица од земјотресот во градот Тајинан од 16-катницата остана само пет ката, со најмалку 200 станови, во кои може да има околу 800 станари“, објави порталот Sohu.
Властите објавија дека досега извлекле 221 лице од урнатините, но тројца од хоспитализираните им подлегнале на повредите. Според засега непотврдени информации, станува збор за десет дена старо бебе и 40-годишник кои биле пронајдени во критична состојба. Властите проценуваат дека под урнатините би можело да има 240 луѓе.
Тајинан е град со околу два милиони жители. Тајван се наоѓа во сеизмички активниот „Пацифички огнен прстен“ и во 1999 година беше погоден од земјотрес со магнитуда од 7,7 степени во кој загинаа 2.400 луѓе.