НАСА ја пресмета точната позиција на Curiosity

Експертите на американската агенција за вселенски истражувања NASA ја пресметаа точната локација на слетување на Марс роверот Curiosity.

Лоцирањето на позицијата на Curiosity е постигнато благодарејќи на фотографиите направени со камерата на апаратите и уредите на HiRISE што се наоѓаат на орбиталната сонда MRO, а притоа на фотографиите научниците забележале и траги од древни реки на Марс, соопштија претставници на Jet Propulsion Laboratory на НАСА. Агенцијата објави неколку снимки на кратерот Гејл, на кои е одбележена позицијата на Curiosity.

Шефот на мисијата Curiosity, Мајк Воткинс, изјави дека специјалистите што работат со уредот, го завршиле рестартирањето на подвижната роботизирана лабораторија и го оптмизирале нејзиниот оперативен систем за нејзината „копнена операција". Тимот што раководи со Curiosity планира да почне тестирање на научните инструменти, по што роверот ќе премине на реализиација на научниот дел од програмата.

Според заменикот на раководителот со мисијата, Ашвина Васавади од NASA Jet Propulsion Laboratory, роверот испратил на Земјата нови високо-квалитетни снимки, кои покажуваат траги од древна река која постоела во многу далечното минато на површината на Црвената планета.

Научниците ги обработуваат снимките со користење специјален компјутерски софтвер и ги измениле светлосните услови од „марсовски" на „земјини", така што геолозите може да го проценат минерални составот на површината на Марс. Покрај тоа, научниците сега планираат за ги вклучат и да ја проверат работата на климатските инструменти на Curiosity и да ги пренесат во постојан режим на работа.

„Тимот научници, што го водат роверот, во принцип сите ние, со нетрпение го очекуваме почетокот на научната програма. Ние ќе се обидеме да ја завршиме втората половина од проверката на опремата и да го придвижиме кон планината Шарп (Еолид)", вели Васавада.