НАСА: Нови докази за вода на месечината на Јупитер

Американската вселенска агенција објави дека телескопот Хабл открил докази за постоење на океан исполнет со вода на Европа, една од месечините на Јупитер.

Научниците од НАСА соопштија дека е можно постоење на вода на површината на Европа, но и на другите природни сателити на планетата.

„Кај што има вода на Земјата има и живот, а со оглед на тоа што е пронајдена вода на Европа можно е и таму да постои живот“, изјави Пол Херц, директор на Astrophysics Division.

Во 2009 година научниците открија постоење на масивни водени океани во внатрешноста на месечината Европа. Засега Европа, која е со големина колку Месечината на Земјата, се смета за едно од најветувачките места за потрага по живот во нашиот соларен систем.