Умот и телото се силно поврзани, а за тоа сведочат различни чувства и нивни манифестации. Колку и да делуваат слично некои чувства, постојат важни разлики кои научниците ги класифицираа на мапа.
Чувствата се интересна појава ако земеме предвид дека се создаваат во мозокот, а ги чувствуваме во различни делови од телото. На пример, љубов и тага. Двете емоции ги чувствуваме во различни делови од телото. Од друга страна, тука се и стравот и возбудата, две различни емоции коишто ги чувствуваме скоро идентично.
Сето ова е уште повеќе комплицирано да се објасни ако земеме предвид дека чувствата се субјективни и никогаш не можеме да бидеме сигурни дали и други луѓе се чувствуваат исто како нас. Заради тоа, научници од Финска ги мапираат емоциите по телото, за да откријат во кој дел од делото тие се манифестираат. Се испоставило дека повеќето луѓе истите чувства ги забележуваат на идентични места.
Научникот Лаури Нуменма од Универзитетот во Турку и тим од уште три фински научници работеле на мапирањето емоции уште од 2014 година кога ја објавиле својата мапа со илустрирани 14 емоции.
Во новата студија успеале да мапираат 100 различни емоции, и ги ставиле во 6 категории: мисловен процес, перцепција (вид и слух) хомеопатски чувства (глад и жед), физиолошки процеси (спиење и дишење), чувства поврзани со болести (кашлање и температура) и чувства поврзани со психијатриски нарушувања (депресија и анксиозност).
Повеќе од 1.000 учесници се испитувани низ три експерименти. Во првиот експеримент требало да оценат колку емоции се манифестираат на телото, колку во умот, колку интензивно успеваат да ги контролираат различните чувства.
Во другиот дел ги ставале чувствата по сличност, при што ги сместиле во 5 категории: позитивни чувства, негативни, когнитивни процеси, телесни состојби и болести и хомеопатски состојби (телесни функции).
Во завршниот дел од експериментот испитаниците имале за задача празен, безбоен цртеж да го извојат во делот во кој ја чувствуаат определената емоција. Некои чувства биле лоцирани на очекувани места- глад во стомакот, жедта во грлото а изненадувачки биле вината и очајот кои биле позиционирани во пределот на срцето, проследени со дел од главата и стомакот.
Научниците дошле до заклучокот дека секое чувство е единствено, уникатно, иако некои чувства делуваат слично.
