Во внатрешноста на познатите џиновски кристали во пештерата Наика во Мексико тим научници пронајде микроби стари неколку илјадници години, пренесува BBC.
Организмите останале затворени најмалку 10 илјади, а веројатно и до 50 илјади години, поставувајќи уште еден пример на способност животот да се адаптира и во непријателско опкружување. Пронајдените организми се многу необични и немаат „роднини“ во постоечките генетски бази на податоци.
Опкружувањето во пештерите е многу топло, меѓу 40 и 60 степени Целзиусови, исто така е влажно и кисело. Во нив нема светлина, а секој организам кој сака да преживее мора да биде способен да опстане на камените минерали.
Докторката Пенелопе Бостон од НАСА заедно со колегите ги отвори кристалите кои се создавале милиони години и во нив пронашле бактерии и прабактерии кои ги реанимирале во своите лаборатории.