Мистеријата е решена?

Настанот познат како Тунгуската експлозија која се случи во 1908 година на Сибир и кој уништи околу 80 милиони стебла, навистина бил предизвикан од комета, покажува студијата на Корнел Универзитетот и со тоа ги потврди мислењата на бројни научници кои го проучуваа овој феномен.

„Ова беше како разоткривање на 100 години старо убиство. Доказите прилично сигурно покажуваат дека на Земјата во 1908 година удрила комета“, изјави Мајкл Кили, раководител на проектот. Истражувањето покажа дека облаците создадени од вода и мраз се одговорни за настанување на ледената комета која удри во Земјата.

Научниците исто така веруваат дека кометата при паѓањето зрачела со светлина која можела да се види дури и од илјадници километри оддалечениот Лондон. Ова значи дека кометата пред да удри во Сибир патувала 4 828 000 километри. Токму ова досега ги збунуваше научниците кои не можеа да сфатат како водената пареа патувала со толку голема брзина.

Тимот на Мајкл Кили појасни дека дошло до феноменот на дводимензионална турбуленција. Тоа е појава која се случува кога некоја сила, како што е магнетното поле, на течностите  им овозможува тродимензионално ширење. На овој начин таа многу побрзо се шири во двете димензии во кои движењето не и е ограничено. „Ова е тотално нова и неочекувана појава“, додаде Кили.

На база на новите докази тимот од Корнел Универзитетот претпостави дека надворешниот слој од мраз на кометата испарил за време на поминувањето низ атмосферата. Во тие моменти, водената пареа создала облаци во високите делови на атмосферата кои се осончани од зраците на Сонцето долго по неговото заоѓање.

Досега, меѓу бројните теории за мистериозната експлозија пред скоро време се појави и таква според која НЛО се судрил со огромен метеор пред да падне на Земјата за да ја спаси од катастрофални последици.