Некои диносауруси биле навистина најголемите суштества кои чекореле по Земјата, вклучувајќи ги и долговратите диплодокуси. Меѓутоа, една нова студија укажува дека тие и многу нивни изумрени роднини тежеле речиси половина помалку отколку што се претпоставуваше до сега.
Новите методи за пресметување на масата на диносаурусите на база на големината на нивните коски откри дека научниците досега го преценувале обемот на многу од овие џинови. Во некои случаи со новата метода е докажано дека некои диносауруси веројатно тежеле половина помалку од досегашните претпоставки.
„Тие секако дека биле огромни животни. Тоа никој не може да го порекне. Можеби биле половина полесни, но и како такви биле огромни“, изјави Џефри Бирчард, биолог од Универзитетот Џорџ Мејсон во Вирџинија.
Од делот на фактографијата која најмногу ќе им користи на биолозите и палеонтолозите, на пример, Брахиосаурусот за кој досега се сметаше дека тежел 35 тони, според новите пресметки имал „само“ 18 тони.
Бирчард и неговиот тим сфатиле дека нешто не е во ред кога се обиделе со постоечката метода да ја пресметаат масата на некои од постоечките животни, како слоновите. Тогаш откриле дека масата на предците на Денвер била значително преценета.
