Најмалку 23-ца полицајци се повредени по натпреварот помеѓу Шалке и Волфсбург (3-0) одигран во Гелзенкирхен, соопшти полицијата. Инцидентот се случил кога навивачите на Шалке, со шишиња и камења, ги нападнале полицајците кои ги обезбедувале гостинските навивачи.
Полицијата идентификувала 143-ца учесници во нередите, а обвинителството во Есен, отворило истрага во врска со нередите.
Шалке во 20.коло, го совлада Волфсбург со 3-0 и се искачи на четвртото место на табелата со два бода помалку од Херта, која во оваа рунда одигра 0-0 со Борусија Дортмунд.