НБА: Дурент и Ирвинг заедно во Бруклин, Бостон „се утеши“ со Кемба Вокер

Најголемото име помеѓу слободните играчи во НБА ја објави неговата одлука да потпише четиригодишен договор со Бруклин Нетс, а заедно со него во тимот на „мрежичките“ доаѓа и Кајри Ирвинг. Само во првиот ден од преодниот рок за слободни агенти клубовите од лигата потрошија околу две милијарди долари.

Договорот помеѓу Бруклин Нетс и Кевин Дурент најпрво одекна преку ESPN, преку објава на телевизијата дека двократниот МВП на финалето потпишува четиригодишен договор вреден 164 милиони долари.

Заедно со Кевин Дурент, од Бруклин Нетс беше најавено дека со клубот потпишува и плејмејкерот Кајри Ирвинг, исто така на четиригодишен договор, но неговиот вреден вкупно 141 милиони долари. А на двајцата играчи им се приклучи и центарот-ветеран Деандре Џордан, кој во наредните четири сезони ќе заработува по 10 милиони долари годишно.

Тимот на Голден Стејт Вориорс сигурно ќе жали поради тоа што го загуби Кевин Дурент, но тие брзо најдоа нов Ол Стар играч кој ќе се придружи на триото Стеф Кари – Клеј Томпсон – Дрејмонд Грин. Се работи за Дианџело Расел, кој со Бруклин потпиша четиригодишен договор вреден 117 милиони долари и веднаш беше трејдуван во Вориорс, заедно со Шабаз Напиер и Тревеон Греем. Поради оваа зделка, Вориорс мораа да се ослободат од Андре Игудала, кој беше трејдуван во Мемфис Гризлис, заедно со пик од НБА драфтот од 2024 година.

Балканските играчи можат уште отсега да бидат прогласени за победници од овој преоден рок, бидејќи голем дел од нив ги „наполнија џебовите“ со американски долари. Тоа посебно важи за Никола Вучевиќ, кој доби 100-милионски договор со Орландо Меџик, што ќе го задржи во тимот во наредните четири години. Бојан Богдановиќ се приклучи на амбициозниот тим на Јута Џез, потпишувајќи исто така четиригодишен договор вреден 73 милиони долари.

Не само што Филаделфија успеа да го задржи јадрото на тимот преку потпишување на петгодишен договор со Тобајас Херис вреден 180 милиони, туку и го засили составот со елитниот центар Ал Хорфорд, кој во наредните четири години ќе заработи 109 милиони долари. Далас Маверикс, пак, се договори за продолжување на соработката со Кристапс Порзингис преку четиригодишен договор вреден 158 милиони долари.

Иако Њујорк Никс изгледа како атрактивна дестинација за повеќето слободни играчи, веќе трета година по ред ги испушта најголемите имиња на пазарот и на крајот завршува со скапи договори за играчи кои не се ни близу до самиот врв во лигата. Овојпат, за Никс потпишаа Џулиус Рендл (3 години/63 милиони), Боби Портис (2 години/31 милион), Таџ Гибсон (2 години/20 милиони) и Реџи Булок (2 години/21 милион).

За крај, Кемба Вокер соопшти дека потпишува четиригодишен договор со Бостон Селтикс, кој ќе му донесе 141 милиони долари на сметката, додека Џими Батлер отиде во Мајами Хит за четиригодишен договор вреден 142 милиони долари. Рики Рубио, кој немаше тим откако Јута се откажа од него, потпиша за Феникс Санс за три години и 51 милиони долари.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Во која храна ги има трите минерали најважни за тироидната жлезда?

Read more

Како е поврзано пиењето кафе со ракот на дебело црево?

Read more

Кошарка

Бакс и Лејкерс одиграа спектакуларно дерби со дури две продолженија

Read more

Балканците доминираа синоќа во НБА

Read more

Најплатената ѕвезда во НБА: Постот за Рамазан ми го спаси животот

Read more

Лејкерс славеа во меч со речиси 300 поени, Голден Стејт испушти место во плеј-ин

Read more
 

Спорт

Дани Алвес откако излезе од затвор веднаш направи забавa славејќи до изгрејсонце

Читај повеќе

Шпанците откриваат кога Модриќ заминува од Реал

Читај повеќе

Родри една година не доживеал пораз

Читај повеќе

Меси: Ќе се пензионирам кога ќе престанам да уживам во играта

Читај повеќе

Фудбалот во втор план: Стадионот на Фулам ќе има ложи со базен

Читај повеќе
  • play_arrow

Мхитарјан - фудбалерот полиглот со завршени два факултета

Читај повеќе
  • play_arrow

Најдобрата единаесетка на 21. век

Читај повеќе
  • play_arrow

Бразилците лути по ремито во Мадрид: Без ВАР, повеќе нема да играме пријателски натпревари

Читај повеќе
  • play_arrow

Роналдо повторно има нова ѕверка, со моќен мотор

Читај повеќе