Кошарка

НБА: Харден 42, Казинс 39, трипл дабл на Вол

24. февруари 2016 - 8:57 | Макфакс

Одличната партија на бековите на Портланд, трипл дабл учинокот на Џон Вол, 42-та, односно 39-те поени на Џејмс Харден и Демаркус Казинс ја обележаа ноќта во НБА лигата.

Џејмс Харден постигна 42 поени, но и покрај тоа Хјустон загуби во Солт Лејк Сити. Гордон Хејворд постигна 28 поени и беше најзаслужниот за победата на Јута, по едно продолжение, над Хјустон (117:114).

Тимската игра на Денвер (осуммина кошаркари постигнаа двоцифрен број на поени), не можеше да го спречи поразот од Сакраменто (110:114), каде блескаше Демаркус Казинс со 39 поени и девет скокови.

Бековската двојка на Портланд, Си Џеј Меколум и Демијан Лилард постигна по 34 поени и го предводеше тимот до победата над Бруклин 112:104.

Вашингтон запиша убедлив триумф над Њу Орлеанс (109:89). Џон Вол го предводеше Вашингтон со 16 поени, 12 скокови и 11 асистенции. 

Коментирај