Недостатокот на сон може да доведе до сексуални проблеми особено кај жените, покажува студијата.
Повеќе од половина од жените со несоница страдале од сексуални проблеми како што се лошо задоволство и борба до оргазам, во споредба со помалку од една третина кои ја немале оваа состојба.
Околу 23% од мажите со проблеми со спиењето ги имале истите проблеми, во споредба со 12,5% од оние без несоница.
Д-р Вилфред Пиџон, од Универзитетот во Рочестер, вели дека студијата покажала врска помеѓу несоницата, сексуалната функција и задоволството.
„Жените имале околу двојно поголема стапка на сексуална дисфункција и несоница од мажите“, вели тој.
Симптомите вклучуваат лежење буден ноќе, будење неколку пати во текот на ноќта и рано будење, но и неможност повторно да се заспие.
Се препорачува возрасните да спијат помеѓу 7 и 9 часа ноќе. Несоницата може да биде предизвикана од различни нешта, вклучувајќи стрес, анксиозност, бучава, нудобен кревет, премногу алкохол и кофеин, а особено работа во смени каде што работникот за неколку дена менува прва, втора и трета смена.
Претходните истражувања покажаа дека проблемите со спиењето се значително поврзани со нивото на сексуална желба, возбуда и задоволство кај луѓето, како и нивната способност да доживеат оргазам.
Една нова студија, објавена во Elvier's Journal of Psychosomatic Research, ја разгледа несоницата поконкретно за да види како таа состојба влијае на сексуалниот живот на луѓето.
Истражувачите анкетирале 1.266 возрасни со просечна возраст од 45 години, поставувајќи им прашања за сексуалната желба, возбудувањето, лубрикацијата, оргазмот, задоволството и болката.
Тие исто така биле прашани за тоа како спијат, вклучително и како лошиот сон влијае на нивното расположение, енергија и врски.
„Присуството на клиничка несоница е силно поврзано со послаба сексуална функција и кај мажите и кај жените“, се заклучува.
