Фудбалерите на ПСЖ ја совладаа екипата на Нант со резултат од 1:0, но во натпреварот од 20 коло во центарот на вниманието беше главниот судија Тони Шапрон.
Шапрон стана хит на социјалните мрежи и најверојатно поради овој потег ќе влезе во историјата на фудбалот.
Се играше 91 минута, кога играчот на Нант Диего Карлос случајно се судри со судијата Тони Шапрон.
Тоа не е ништо чудно, бидејќи ваквите ситуации се чести на натпреварите, но она што потоа судијата го стори е нешто што порано се нема случено.
Шаптон прво се обиде со нога да го шутне Диего, а потоа на фудбалерот на домашниот тим му покажа жолт картон, втор на натпреварот, што автоматски значеше цревн и исклучување од теренот.
Сите присутни на стадионот влегоа во расправа со судијата, но тој не ја промени својата одлука.
Секако дека оваа снимка ќе биде прегледана и од страна на фудбалскиот сојуз на Франција, а каква и да биде одлуката, нема сомнение дека овој судија ќе остане запаметен по овој необичен потег.