Пејачката Селин Дион и актерот Расел Кроу наводно се забавуваат веќе некое време и иако ваквиот спој можеби делува необично на прв поглед, извор близок до новата двојка вели дека двајцата имаат многу заеднички работи.
Изворот вели дека Дион (50) и Кроу (54) се забавуваат скришно веќе неколку недели, откако претходно комуницирале како пријатели ни дека двајцата се чувствуваат како да се знаат цел живот.
Претставник на Дион негираше дека канадската пејачка е во врска со холивудскиот актер со потекло од Нов Зеланд.
Изворот тврди дека она што ги поврзало најмногу е емотивната болка низ која поминале во изминатиот период.
„Поминаа низ толку многу и и станаа потпора еден на друг“, вели изворот за ОК Магазин.
Сопругот на Дион, музичкиот менаџер Рене Анжелил, почина во јануари, 2016 година од рак на грлото на 73 години.
Кроу неодамна го заврши разводот од Даниел Спенсер, со која се разделија во 2013 година, а беа заедно 20 години.
Дион и Кроу наводно се поврзале разговарајќи за родителството и заедничкиот вкус за музика, а тој долги години е нејзин обожавател.
Кроу има син и ќерка од бракот со Спенсер – Чарлс (14) и Тенисон (12), а Дион има три сина: 17-годишниот Рене-Чарлс и седумгодишните близнаци Еди и Нелсон.
