На ММА настанот EFC 75 Worldwide што се одржа во Кејптаун, Јужна Африка, публиката можеше да види несекојдневен нокаут.
Домашниот борач Мзвандиле Нлонгве изведе неверојатен потег со кој „го прати на спиење“ ривалот Торбјорн Мадсен.
Со неверојатно голема брзина Нлонгве изведе вртење и удар со лакт од кој Норвежанецот просто „се стопи како свеќа“.
Мораа да интервенираат медицинските екипи и да го вратат во нормала после овој нокаут.
„Морав да одам во болница, паднав во бесознание, но сега сум добро. Секоја чест за Мзвандиле, ова беше неверојатен удар“, изјави поразениот Норвежанец.
