Расел Вестбрук продолжи да испишува нови страници во историјата на НБА лигата. Плејмејкерот на Оклахома Сити Тандер достигна еден позитивен рекорд, но и еден негативен.
Тој минатата ноќ го постигна 19 трипл дабл во сезоната и со тоа го стигна рекордот на Вилт Чембрлен од сезоната 1967/1968, но неговиот клуб загуби на дуелот во Минесота.
Покрај тоа што имаше двоен учинок во три категории (21 поен, 12 асистенции и 11 скокови) тој имаше и двоцифрен учинок според бројот на изгубени топки, вкупно 10. Тој е само втор играч кој во првите 40 натпревари успеал да има трипл дабл просек со најмалку 30 поени и по 10 асистенции и скокови.
Сепак, Вестбрук е првиот играч од 1973 година кој имал трипл дабл со најмалки десет изгубени топки.
[jw: https://www.youtube.com/watch?v=hFBBBTwLV-E]