Невработеноста во Германија е на најниско ниво од обединувањето на поранешна Источна и Западна Германија во 1990 година, објави денеска германската Федерална агенција за вработување (БА).
Во ноември, 2,18 милиони луѓе беа невработени во земјата, што значи дека стапката на невработеност изнесува 4,8 проценти.
Во ноември имаше 24.000 помалку невработени во споредба со претходниот месец и 6.000 помалку отколку во истиот месец лани, покажуваат статистичките податоци.
„Сегашниот економски пад е сѐ уште забележителен на пазарот на трудот“, изјави шефот на Агенцијата, Детлеф Шеле.
„Но, во целина, економијата е солидна“, додава тој.
Со регистрирани 736.000 работни места во Бирото за вработување, побарувачката за работна сила останува голема.
Работа во Германија: Колку навистина се заработува во „ветената земја“?
