Покрај подобреното пребарување кога интернет сигналот е слаб, новите опции носат поинтуитивно пребарување користејќи ги понудените термини и слики.
Три целосно нови функции за пребарување на интернет доаѓаат на популарниот пребарувач Google, со намера да им го олесни искуството на прелистување на корисниците на компјутери и мобилни уреди.
Американскиот интернет гигант ги објави и објасни новите опции во објава на својот корпоративен блог.
Првата новост носи „помош во инспирацијата при пребарување на интернет“, односно на корисниците им дава предлози за прашања за пребарување на интернет што ќе се појават во прелистувачот.
Предлозите се прикажуваа и до сега, но во иднина ќе се прикажуваат дури и пред корисниците да го внесат првиот збор во полето за пребарување. Според Google, тие ќе се базираат на претходни пребарувања, како и слични пребарувања од други корисници.
Google за пример зеде јадење од корејската кујна. Ако сте го барале, следниот пат кога ќе почнувате пребарување, можеби ќе добиете други предлози од популарни јадења од корејската кујна, вклучувајќи ги и нивните фотографии.
Друга иновација е прикажувањето на фотографии покрај предлозите за пребарување текст, под полето за пребарување. Тие ќе се појават веднаш додека корисниците го пишуваат терминот што сакаат да го пребаруваат.
Досега меѓу предлозите беа прикажани фотографии што целосно одговараа на конкретните поими за пребарување. Сега, при пребарувањето во Google Chrome ќе се прикажат фотографии и други предлози, односно поголем број категории поврзани со пребаруваниот поим.
Благодарение на „напредните можности“ на пребарувањето на Google, во иднина, дури и кога интернет сигналот е многу бавен, предлозите за пребарување ќе се прикажуваат на уредите со Android и iOS веднаш штом ќе почнете да ги пишувате првите букви во пребарувачот.
Со цел пребарувањето да биде успешно дури и кога интернет врската е слаба, Chrome прво ќе ги преземе read-only моделите што ги содржат најпопуларните предлози за пребарување од локалните сервери на Google и потоа ќе ги складира во папката на корисникот.
