Откако почна да се прикажува на Netflix, серијата „Wednesday“ стана голем хит. Публиката е особено одушевена од една сцена.
Станува збор за сцена што се одвива во четвртата епизода во која академијата Nevermore организира свој бал, Rave'n Dance. Венсдеј целосно го краде шоуто со нејзиниот бизарен танц.
Одушевените обожаватели споделуваат снимки на социјалните мрежи и со пофални зборови го опишуваат танцот на Џена Ортега, која се појавува во улогата на Венсдеј.
Но, изгледа дека актерката не била подготвена за сцената, иако танцот изгледа професионално. За NME изјави дека две ноќи пред снимањето сфатила дека мора да смисли нешто иако била болна од ковид.
„Тоа беше лудо бидејќи тој ден од снимањето на сцената всушност беше мојот прв ден со ковид, па беше ужасно да снимам. Барав да ја повториме сцената, но немавме време“, откри актерката.