Норвешка е позната по својата природна убавина и патиштата кои поминуваат низ прекрасни пејзажи. Една ваква прекрасна околина е на патот од Кристиансенд до Трондхеим, долг 21 час, поради седумте различни премини со ферибот.
Оваа долга релација може значително да се скрати, без да се уништува природната убавина на норвешките фјордови. Имено, направен е концепт за подводни пловечки тунели, што ќе го решат овој проблем. Според анализата на управата за улици и патишта на Норвешка, ваквите тунели би биле најдоброто решение за овие предели.
Станува збор за два тунели долги 1.200 метри, по еден за секоја насока. Секој тунел ќе има две ленти - една за возење, друга за итни случаи и поправки на патот. Тие ќе бидат поставени на 20-30 метри под вода, далеку од било каков контакт со бродовите кои пловат во водата.
Тунелите ќе бидат прицврстени на пловни платформи поставени по целата должина на тунелите, кои ќе бидат доволно оддалечени меѓусебно за да може бродовите непречено да поминуваат меѓу нив.
Веднаш штом ќе бидат одобрени плановите, ќе се направат геолошки испитувања и ќе започне изградбата на тунелите. Првите тунели ќе бидат изградени до 2035 година, а проектот ќе чини 25 милијарди долари.
Ова е одлично решение за фјордови - луѓето нема да мора да чекаат хеликоптер ако имаат итен случај за во болницата, а исто така, нема да биде уништена убавата природна околина.
