Тројца полицајци се убиени во пукање во Батон Руж, Луизијана. Убиен е и осомничениот за нападот, објави NBC News.
Полицискиот портпарол Дон Копола рекол дека неколку полицајци се ранети и се префрлени во болница. Тој не може да каже колку се сериозни нивните повреди.
Еден очевидец изјави за локалната телевизија WBRZ-TV дека маж облечен во црно и со прекриено лице пукал кон полицајците.
Меѓу жртвите и ранетите се полицајци и заменици на шерифот, пренесуваат медиумите. Неодамна имаше протести во Батон Руж поради убиството на двајца Афроамериканци. За време на протестите беше пукано врз полицијата, по што беа убиени пет полицајци.