Утрово околу 5.40 часот со Рихтерова локална магнитуда од 3,8 во епицентарот во Грција е почувствуван земјотрес во југоисточните делови од Македонија, соопшти Сеизмолошката опсерваторија на Природно-математичкиот факултет во Скопје.
Станува збор за продолжување на серијата потреси што вчера околу пладне ја погодија северозападна Грција.
Вчера во Грција беа регистрирани четири земјотреси од кои оној во 13,44 часот со 2,6 степени според Европската макросеизмичка скала имаше епицентар 26 километри југоисточна од Гевгелија. Најсилниот беше регистриран на 41 километар североисточно до Солун, со јачина од 4,7 степени.
Македонија во септември беше погодена од серија земјотреси, од кои најмоќниот со магнитуда од 5,3 по Рихтер се случи на 11 септември.