H&M, еден од најголемите гиганти за брза мода на светот, се соочува со нови оперативни проблеми.
Компанијата го купи евтиниот бренд Cheap Monday во 2008 година, што беше прва аквизиција на шведскиот гигант. Но, како што се покажа, ваквиот чекор беше грешка.
Главен производ на Cheep Monday беа евтините тесни фармерки и се продаваа во повеќе од 3.000 продавници ширум светот, како и онлајн. Сепак. Брендот се покажа како проблематичен за H&M.
Главната продавница на Cheap Monday во Лондон и онлајн тргувањето на брендот ќе бидат затворени до крајот на годината, а останатите подружници до крајот на 2019 година.
Ваквата пропадната инвестиција на H&M се надоврзува на проблемите што веќе ги има компанијата.
Компанијата губи многу муштерии кои се вртат кон другите гиганти за брза мода како Zara. Со оглед на тоа дека не се прилагоди на новите движења на пазарот, H&M сега се соочува со полни магацини непродадена стока што се проценува на повеќе од 4 милијарди долари.
