Руската Крајбрежна стража соопшти дека запленила два севернокорејски брода на кои има повеќе од 80 членови на екипажот.
Русија тврди дека бродовите биле користени за нелегално рибарење во близина на руските брегови и дека еден од бродовите „упатил вооружен напад“.
Тројца припадници на руската Крајбрежна стража се повредени во судирот.
Северна Кореја уште нема излезено со соопштение за инцидентот, но руското Министерство за надворешни работи изрази „сериозна загриженост“ и го свика највисокиот дипломат на земјата во Русија.
Портпарол на Руската федерална служба за безбедност (ФСБ) изјави дека двата рибарски брода биле опкружени со 11 моторни чамци откако биле фатени во незаконско ловење риби во близина на Јамато, што се наоѓа меѓу Корејскиот Полуостров, Русија и Јапонија.
Русија вели дека бродовите и екипажот биле фатени во нејзината Ексклузивна економска зона што се протега на 370 километри од нејзиниот брег.
Запленетите бродови се носат во пристаништето Находка, пренесе новинската агенција Interfax, наведувајќи извори од ФСБ.
Ова не е прв случај двете земји да имале ваков тип на судир во регионот.
Северна Кореја има запленувано руски бродови. Во јули годинава севернокорејските служби запленија руски рибарски брод.