Кога Rolex го претстави новиот модел на нивниот култен Oyster Perpetual Cosmograph Daytona во март, беше јасно дека ќе предизвика многу интерес од купувачите. Поради популарноста на ваквите луксузни часовници и репутацијата на Rolex Daytona, часовникот во моментот е речиси невозможно да се купи.
Ремчето на часовникот е изработено од посебен материјал, кој е отпорен на корозија и на гребење, а има боја што никогаш нема да го загуби сјајот.
Проблемот е што Rolex го изработува овој модел во многу мала серија, па дури и оние што можат да си дозволат многу повеќе од 12.400-те долари колку што чини овој часовник, мораат да чекаат како и сите останати.
Тоа значи дека продавниците што ги продаваат овие часовници мораат да бидат селективни во изборот на купувачите, а според пишувањето на New York Times, нарачките за овој часовник се чекаат од две до пет години.