По неколку месеци тестирање, Facebook конечно ги направи новите Like опции, познати како reactions, достапни за сите корисници, објави социјалната мрежа. Сега корисниците ќе ги имаат на располагање новите реакции како што се љубов, хаха, Wow, тага и лутина.
За да пристапите треба да го задржите лајк копчето на апликацијата, или пак само застанете со курсорот над like опцијата кај веб верзијата, а веднаш потоа ќе се појават различните реакции. Слично како и кај лајковите, корисниците ќе можат да видат кој како реагирал на одреден пост.
Реакциите се производ на истражувања кои траеле повеќе од една година, а во иднина може да додадат и нови реакции.
