Елон Маск не е единствениот кој сака да изгради град на Марс. Обединетите Арапски Емирати објавија дека сакаат да изградат малечок град на Црвената планета до 2117 година.
„Проектот, наречен „Марс 2117“ интегрира визија за создавање на мини град и заедница на Марс“, изјави шеикот Мухамед бин Рашид Ал Мактум, пренесува Mashable.
Во склоп на проектот се подразбира изградба на функционална населба за 600.000 жители до наведената година. Упорните Арапи се свесни дека за ваквиот потфат потребен е драстичен напредок во ракетната технологија за да доведат толку многу луѓе и потребни сировини до Марс. Тоа е само првиот чекор бидејќи на мртвата планета нема кислород, ниту храна и вода за потребите на доселениците.
Можеби сето ова би можело да стане реалност, со оглед на тоа што Елон Маск работи на тоа да ги прати првите луѓе на Марс до 2024 година.
Но, факт е дека ниту SpaceX ниту Обединетите Арапски Емирати можат сами да ја остварат оваа мисија. Потребни им се меѓународни и приватни партнери кои би помогнале сето ова да стане реалност на Марс.
