По краткиот тизер, објавени се првите трејлери за новиот Спајдермен филм „Spider-Man: Homecoming“ , кој конечно ќе го стави овој сакан херој во истиот универзум со ликовите од Avengers.
Најновиот Спајдермен, Том Холанд, имаше кратко појавување во „Civil War“, за сега да го видиме во акција во свој филм - најновиот рибут на Спајдермен франшизата.
„Spider-Man: Homecoming“ ќе се фокусира на почетоците на овој херој и справувањата на Питер Паркер со своите нови моќи, а Тони Старк покрај тоа што ќе му прати одличен костум, ќе биде тука за совети и водење на младиот суперхерој.
Се чини дека Том Холанд е одличен избор за портретирање на (доста) младиот суперхерој.
Во трејлерите (американскиот и интернационалниот) добиваме поглед и на неговиот главен непријател The Vulture, глумен од Мајкл Китон.
Покрај Том Холанд, во филмот ќе ги видиме Роберт Дауни Џуиниор, Мариса Томеј, Мајкл Китон, Доналд Гловер, Зендаја и други.
Премиерата на филмот е закажана за на 7 јули. Погледнете го американскиот трејлер:
И интернационалниот трејлер: