Времето во понеделник ќе биде умерено до значително облачно, попладне со повремен дожд, особено во северните делови од земјата. Ќе дува слаб до умерен западен и југозападен ветер.
Утринските температури се движат од -2 Целзиусови степени во источните и западните планински региони, до 5 степени на југот од земјата. Максималните дневни, пак, ќе досигнат од 11 до 21 Целзиусов степен. Во Скопје, утринската температура е околу 3 степена, додека највисоката дневна треба да достигне 18 степени.
До вторник ќе се задржи променливо облачно и топло време со слаб локален дожд. Во среда, пак, се очекува нов влажен бран, кој попладнето и во текот на ноќта, како и во четврток, на повеќе места ќе предизвика пообилни врнежи од дожд. Локално во среда врнежите ќе бидат и поројни проследени со грмежи.
Во вторник и среда ќе дува засилен јужен ветер, а во четрврток умерен северен ветер кој ќе услови позначително опаѓање на дневните температури.