Времето денеска ќе биде претежно облачно со повремени врнежи од снег, во источните и јужните делови претпладне поинтензивни. Снежната покривка од овој снежен бран насекаде ќе се зголеми, на места за 20 до 30 сантиметри. На запад врнежите претпладне постепено ќе престануваат, а до крајот на денот ќе завршуваат и на исток.
Утринските температури ќе се движат од -6 до 1 степен, додека дневните ќе бидат во интервал од -3 до 2 степена.
Во Скопје и околината слично време со утринска температура околу -2 и дневна до 0 степени.
Во петок и за време на викендот времето ќе биде стабилно, а утринските температури ќе бидат во опаѓање.
