Времето денеска ќе биде променливо облачно со слаб до умерен ветер, претпладне од југоисточен, а попладне од северен правец. Попладне и преку ноќта ќе има слаби локални врнежи од дожд повеќе во северните и источните делови од земјата.
Утринските температури ќе се движат од 5 до 12, а дневните од 15 до 21 степен.
Во Скопје исто така ќе биде променливо облачно со слаб до умерен северен ветер. Попладне и преку ноќта ќе има појава на слаб локален дожд. Температурата ќе биде во интервал од 10 до 18 степени.
Појава на слаб повремен дожд ќе има и во текот на утрешниот ден, а од попладневните часови и преку ноќта кон петок врнежите повремено ќе бидат поинтензивни. Од утре попладне ќе започне да дува северен ветер кој во наредните денови повремено ќе биде засилен и ќе предизвика значително опаѓање на температурите. Поради спуштање на студен воздух од север во текот на ноќта кон петок и во петок претпладне на повисоките планини во северозападниот дел од земјава врнежите ќе поминуваат во снег. Од петок попладне следува период на стабилно, суво и постудено време.