По првите осминафинални натпревари во Лигата на шампионите, европските обложувалници, имаат нов фаворит за освојување на титулата, а тоа е минхенски Баерн.
Убедливата победа на Баерн во првиот меч над Арсенал, како и дебаклот на Барселона во Париз од ПСЖ, според обложувалниците, ги стави Баварците во пол позиција за освојување на титулата.
Според најновите прогнози триумфот на Баерн во евентуалното финале во Кардиф има коефициент 3,25.
Баерн е сигурен во четвртфиналето, таму веројатно ќе биде и бранителот на титулата Реал по победата над Наполи 3:1 во првиот меч. Реал е втор фаворит според обложувалниците со коефициент 5.
Следуваат ПСЖ, кој со импресивна игра ја декласира Барселона (4:0) и Јувентус, кој синоќа победи во Порто (2:0), и има коефициент 7.
Зад оваа четворка е Атлетико Мадрид, екипа која играше во две од последните три финалиња во Лигата на шампионите.
Следуваат Манчестер Сити, Борусија Дортмунд и Севилја, додека коефициентот дека Барселона ќе ја освои титулата изнесува 40.