Демонстрантите на протестите што се одржаа вчера вечерта во Скопје ги обоија лавовите на мостот „Гоце Делчев“, откако полицијата не им дозволи да го изразат своето незадоволство пред Уставниот суд.
Демонстрантите кои беа пред полициската барикада на мостот „Гоце Делчев“ извадија огледала и ги поставија пред лицата на специјалците кои не им дозволуваа да го продолжат маршот кон Уставниот суд.
Граѓанската организација „Протестирам“ на својот Facebook профил најави дека денеска нема да организира протест во Скопје.
„Наместо утре, со протести продолжуваме во понеделник во 18 часот – побројни, покоординирани и со нови сили и енергија“, стои во најавата на „Протестирам“.
Граѓаните протестираат 12 ден по ред по одлуката на Претседателот, Ѓорге Иванов за аболиција.