Од октомври за пет отсто повисоки плати во образованието, здравството и градинките

Скопје, 22 септември 2018 (МИА) - Вработените во градинките, училиштата и болниците ќе имаат зголемување на платите за пет отсто. Покачувањето почнува од септемвриската плата што ќе се исплати во октомври.

Ова на денешната заедничка прес-конференција во Владата го соопштија министрите за финансии, за здравство, за образование и наука и за труд и социјална политика Драган Тевдовски, Венко Филипче, Арбер Адеми и Мила Царовска.

Министерот Тевдовски информира дека оваа промена ја најавиле уште со Буџетот за 2018 година, кој беше донесен минатата година.

- Јасно ни е дека не се работи за голема промена. Промената е согласно со можностите, но насоката е јасна. За Владата зајакнувањето на јавното здравство и образованието е приоритет. Образованието и здравството се темели на општеството и не смееме да дозволиме земјата да биде на дното на ПИСА-тестовите и не смееме да дозволиме докторите да се иселуваат или да си одат од јавното здравство. Ние сме решени да вложуваме во човечкиот капитал, потенцира Тевдовски.

Министерот за образование и наука Арбер Адеми појасни дека сите вработени во јавните и државните основни и средни училишта во земјата, независно дали се ангажирани на неопределено или на определено работно време, ќе добијат зголемување на платите за пет отсто. Станува збор за околу 30.000 вработени - 21.288 во основно и 8.950 во средно образование.

Предвидените средства за оваа година за последниот квартал изнесуваат 145 милиони денари, додека за следните години се предвидени околу 580 милиони денари.

- Дополнително со потпишаните спогодби на вработените во образованието им се гарантира и најнискиот износ на плата и тоа 12.714 денари во основните училишта и 13.117 денари во средните училишта, рече Адеми.

Во јавното здравство, пак, зголемување ќе добијат 19.123 вработени за што се издвоени 117.483.846 денари од буџетот за 2018 година.

Министерот Филипче соопшти дека на наставниот кадар во хируршките гранки на универзитетските клиники во просек платата ќе се зголеми за 5.300 денари, а на докторите специјалисти на универзитетските клиники за 4.500 денари. На медицинските сестри на универзитетските клиники со високо образование во просек ќе биде две илјади денари, а на средно медицинскиот кадар за околу 1.500 денари на универзитетските клиники.

Во општите болници со зголемување на платата наставниот кадар ќе зема поголема плата за околу 4.700 денари, лекарите специјалисти за 4.060 денари, медицинските сестри со високо образование за 2.050 денари, а средномедицинскиот кадар ќе зема поголема плата за 1.050 денари.

- Како министер за здравство и како доктор убеден сум дека со зголемување на надоместокот за прекувремена работа, дежурства и ноќен труд, нешто што го направивме претходно, како и зголемување на платите ќе се даде значаен стимул за подобрување на положбата и достоинството на сите работници во македонскиот здравствен систем, рече Филипче.

Министерката Царовска нагласи дека зголемување од пет отсто ќе добијат и сите воспитувачки и негувателки кои работат во предучилишното образование. Се работи за 4.295 вработени, за што МТСПП обезбеди 15 милиони денари. 

- На ова зголемување од пет отсто му претходеше зголемување од два отсто кое се случи минатата година. И не застануваме тука. Постојано заедно со вработените и со синдикатите работиме на создавање систем на професионален развој во предучилишно образование и кариерно зголемување на платите понатаму, рече Царовска.

Одговарајќи на новинарско прашање, министерот Тевдовски потсети дека ова зголемување на платите беше најавено од минатата година, беше внесено во Буџетот, изгласано од страна на Собранието на Република Македонија кога не се знаело дека ќе има референдум.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Македонија

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more

Денеска се отвора Џевахир Мол Скопје во Аеродром

Read more
 

Вести

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе

Силен земјотрес ја погоди Бугарија

Читај повеќе

Израел ја нападна Сирија: 38 загинаа во Алепо, меѓу кои и членови на Хезболах

Читај повеќе