Во текот на ноќта се одиграа четири натпревари во НБА лигата, а дерби се одигра во Денвер каде Нагетс ги пречекаа Лос Анџелес Клиперс.
Во многу интересен дуел, Денвер победи со 127:115, а Нагетс до победата ги предводеше одличниот Никола Јокиќ.
Центарот на Денвер мечот го заврши со 30 поени, 14 скока и 6 асистенции, а дури шестмина негови соиграчи постигнаа двоцифрен број на поени.
Во редовите на Клиперс најефикасен со 24 поени беше Теранс Ман.
Милвоки го совлада Чикаго со 126-98 со новата одлична партија на Јанис Адетокумбо.
Гркот, кој е во трка со Јокиќ за МВП титулата, постигна 25 поени, фати 17 топки и подели 5 асистенции.
Орландо го освои Голден Стејт со 94:90, додека Атланта славеше во Њујорк со 117:111 со 45 поени на Трае Јанг.
