Францускиот дворец од 17. век Во-ле-Виконт во близина на Париз кој во филмовите често пати се прикажува наместо далеку пославниот Версај, бил ограбен во средата вечерта.
Крадците прво ги врзале сопствениците и потоа побегнале со скапоцени камења и пари во вредност од 2 милиони евра.
Дворецот Во-ле-Виконт се наоѓа на околу 50 километри југоисточно од Париз и е во сопственост на истото семејство од 1875 година.
Сопствениците Патрис и Кристина де Вог го отворија дворецот за јавноста во 1968 година и управуваат со имотот заедно со нивните тројца синови.
Обвинителството соопшти дека се трага по шестмина осомничени кои не биле вооружени.
Дворецот се смета за едно од најголемите културни богатства во Франција што е во приватна сопственост и годишно го посетуваат околу 250.000 луѓе.