Во провала во луксузниот дом на Дејвид и Викторија Бекам во западен Лондон, украдени се работи вредни илјадници фунти, објавија британските медиуми.
Се верува дека кражбата во Кенсингтон се случила доцна навечер на 28 февруари, додека Бекамови биле во куќата со нивната 10-годишна ќерка.
Според пишувањето на Sun, кражбата била откриена кога синот на познатата двојка, Круз Бекам (17) се вратил дома од вечерно излегување и видел дека е скршен прозорецот, а спалната соба била ограбена.
Лондонската полиција ги потврди наводите за кражбата. Портпаролот на полицијата потврди дека се земени вредни предмети. Засега, никој не е уапсен за кражбата, а истрагата продолжува.
Според Sun, меѓу работите кои исчезнале се „предмети вредни илјадници фунти“.