Крадец ограбил стан во Скопје, заминувајќи си со 10.000 евра и 200 шведски круни.
Како што соопшти полицијата, во саботата вечер во полициската станица во Чаир М.С. (24) од Скопје пријавила дека истиот ден во периодот од 16.30 до 23.00 часот на ул. „Никола Малешевски“, во стан сопственост на В.Р., непознат сторител извршил тешка кражба. Сторителот со погоден алат насилно ја отворил вратата, влегол во станот, извршил пребарување и претурање по мебелот при што одзел 10.000 евра и 200 шведски круни, со што се стекнал со противправна имотна корист од околу 640.000 денари.
Увид на местото на настанот извршила увидна екипа на СВР-Скопје. Се преземаат мерки за пронаоѓање на сторителот и за целосно расчистување на случајот.