Италијанската компанијата OLO 3D која веќе има искуство со развој на 3D принтери, на Kickstarter претстави интересен гаџет кој користи паметни телефони како дел од самиот систем за изработка на разни објекти.
Компанијата бараше 80.000 долари за да стартува со производството, а 29 дена до истекот на кампањата веќе има собрано повеќе од 267.000 долари, што значи дека многумина го препознаа овој 3D принтер како нешто паметно, практично и корисно, па OLO би требало да се најде на пазарот веќе во август или септември годинава по цена од 99 долари.
Системот функционира така што во подножјето на принтерот се вметнува Android или iOS телефон со максимална големина до 5,8 инчи, на него доаѓа стаклен филтер, а одозгора се налеваат суровините со кои се изработува предметот, според фотографијата од апликацијата на телефонот, како што може да видите во видеото подоле:
Дефинитивно интересен гаџет кој за мали пари овозможува изработка на разни цврсти, но и меки и еластични предмети, кај кој целиот „мозок” на операциите доаѓа од страна на вашиот смартфон, што значително влијае на неговата поволна цена.