Девојката која вчера беше прегазена во центарот на Скопје, со тешки повреди е пренесена во Ургентниот центар и извршен и е хируршки зафат.
Ова се најновите информации од СВР Скопје за сообраќајката што се случи на крстосницата на булеварите „Климент Охридски“ и „Орце Николов“ во центарот на Скопје.
Сообраќајката се случила во 22 часот кога автомобил „голф“, со којшто управувал триесет и двегодишниот Љ.С. од Скопје прегазил дваесет и тригодишна девојка А.Ќ.
Девојката со тешки телесни повреди со возило на Брза помош била пренесена во Ургентниот центар каде и бил извршен хируршки зафат.
СВР Скопје изврши увид на местото на несреќата и ги утврдува причините за несреќата.
